Branwen - CA5

Gweithgaredd 2: Cymharu ansoddeiriau

Mae Bendigeidfran yn ceisio gwneud yn iawn i Fatholwch wedi i Efnisien ddinistrio ei feirch drwy roi anrhegion drudfawr ato; sef:

• ‘ffon arian (cyn dewed â’i fys bach ac mor hir â fo’i hun)’
• ‘plât aur mor llydan â’i wyneb’

Gwelwn sut y mae adroddwr y stori yn disgrifio’r ffon arian a’r plât aur drwy dynnu cymariaethau â rhannau o gorff Matholwch.

Er mwyn i gymhariaeth fod yn effeithiol, mae’n rhaid i un elfen o’r gymhariaeth fod yn rhywbeth cyfarwydd i ni.

Wrth ddweud fod y ffon ‘cyn dewed â’i fys bach’, mae Matholwch yn gallu dychmygu’n union beth yw trwch y ffon er nad yw wedi gweld y ffon erioed o’r blaen.

Yn Gymraeg, mae’r ffurf ‘cyn … â’ a ‘mor … â’ yn cymharu dau beth.

Dyma’r ddau batrwm:

cyn + modd cyfartal yr ansoddair + â

mor + modd cysefin yr ansoddair + â